Azərbacanda ədliyyə sisteminin xalqımızın müstəqillik uğrunda mübarizəsini, onun şanlı keçmişini əks etdirən zəngin tarixi vardır. Müstəqil dövlətimizin ədliyyə tarixinin ən şərəfli anları 1918-ci ildə Azərbaycan Demokratik Respublikasının yaranması ilə başlanır. Belə ki, Ədliyyə Nazirliyinin təsis edilməsinə xüsusi əhəmiyyət verilərək 1918-ci il may ayının 28-də - Azərbaycan Demokratik Respublikasının elan edildiyi gün Ədliyyə Nazirliyi də yaradılmışdır.
Həmçinin, ədliyyə orqanları və məhkəmələrin fəaliyyəti ilə bağlı bir sıra qərarlar qəbul edilmiş, o cümlədən 1918-ci il noyabr ayının 14-də Azərbaycan Məhkəmə Palatasının Əsasnaməsi, noyabrın 22-də isə Ədliyyə Nazirliyinin Əsasnaməsi təsdiq edilmişdir.
Azərbaycan Demokratik Respublikasının 1920-ci il aprel ayının 27-28-də Rusiyanın XI Qızıl Ordusu tərəfindən işğal edildikdən sonra inqilab komitəsinin 13 may 1920-ci il tarixli qərarı ilə Ədliyyə Nazirliyi ləğv edilmiş, Xalq Ədliyyə Komissarlığı yaradılaraq, onun səlahiyyətlərinə qanunvericilik layihələrinin hazırlanması, məhkəmə işçilərinin seçilməsi, təlimatlandırılması və onlara inzibati rəhbərlik edilməsi, qanunçuluğa ali nəzarət və istintaqın aparılması daxil edilmişdir. Lakin, 1930-cu ildə bu komissarlıq ləğv edilərək onun funksiyaları prokurorluq, Ali Məhkəmə, Mərkəzi İcraiyyə Komitəsinə və digər orqanlara verilmişdir.
1937-ci ildə Xalq Ədliyyə Komissarlığının yeni Əsasnaməsi təsdiq edilmiş, onun səlahiyyətləri xeyli məhdudlaşdırılmış, əsas fəaliyyət sahəsi məhkəmə və notariat orqanlarının işinin təşkili və onlara rəhbərlik etməkdən ibarət olmuşdur.
Ədliyyə Nazirliyinin yenidən yaradılması görkəmli dövlət xadimi Heydər Əliyevin Azərbaycana rəhbərlik etdiyi dövrə təsadüf edir. Belə ki, 27 oktyabr 1970-ci ildə Azərbaycan SSR Ali Sovetinin qərarı ilə Ədliyyə Nazirliyi təsis edildi və bununla da Azərbaycan ədliyyə tarixində yeni mərhələ başlanmış oldu.
Azərbaycan yenidən dövlət müstəqilliyi əldə etdikdən və Ulu Öndər Heydər Əliyev ölkə rəhbərliyinə gəldikdən sonra ədliyyə orqanlarının işinin müasir tələblər səviyyəsinə qaldırılması üçün əsaslı tədbirlər həyata keçirildi, Ədliyyə Nazirliyinin cəmiyyətdə rolu və əhəmiyyəti artdı, səlahiyyət dairəsi genişləndi.
Ədliyyə işçilərində və hakimlərdə mənəvi stimul yaradılması məqsədilə onların peşə bayramı gününün müəyyən edilməsinə təşəbbüs göstərilərək 22 noyabr - 1918-ci ildə Azərbaycan Demokratik Respublikası Ədliyyə Nazirliyinin Əsasnaməsinin təsdiq edildiyi günün ədliyyə işçilərinin peşə bayramı günü kimi təsis edilməsi üçün dövlət başçısına müraciət edilmiş və Ümummilli Lider Heydər Əliyevin 11 noyabr 2000-ci il tarixli Sərəncamı ilə 22 noyabr ədliyyə işçilərinin peşə bayramı günü kimi müəyyən edilmişdir.Bu ənənə cənab Prezident İlham Əliyev tərəfindən hakimiyyətdə oldugu dövrdən hər il davam etdirilir.
Məndə Azərbaycan Respublikası Ədliyyə Naziri cənab Fikrət Məmmədovu və onun rəhbərlik etdityi bütün ədliyyə işçilərini 22 noyabr peşə bayramı münasibətilə səmimi qəlbdən təbrik edir və işlərində ugurlar,yeni-yeni nailiyyətlər arzulayıram.
Fürsətdən istifadə edərək qeyd etmək istəyirəm ki, cənab Prezident İlham Əliyev Sumqayıt şəhərini daima diqqət mərkəzində saxlayır və sumqayıtlılara qaygı göstərir. Azərbaycan Respublikasının Prezidenti cənab İlham Əliyev noyabrın 21-də Sumqayıt Dövlət Teatrında şəhərin 70-illiyinə həsr olunmuş tədbirdə iştirak etdi və geniş nitq söylədi.
O, Sumqayıtda "Nizami" kinoteatrının, Mugam Mərkəzinin və Dənizkənarı Bulvar Kompleksinin açılışını etdi. Sonra cənab Prezident burada olan vəziyyətlə tanış oldu.
Bizdə bütün sumqayıtlılar adından cənab Prezidentimiz İlham Əliyevə diqqət və qaygısına görə dərin təşəkkürümüzü bildiririk.
Yolumuz Ulu Öndər,Ümummilli Lider Heydər Əliyev yoludur!
[medium=left]http://qanunyolu.info.az/uploads/posts/2019-11/1574524091_screenshot_2019-11-23-00-00-33-1.png[/medium
[medium=left]http://qanunyolu.info.az/uploads/posts/2019-11/1574524041_screenshot_2019-11-22-23-59-55-1.png[/medium]
Sumqayıt Şəhər qeydiyyat şöbəsinin rəisi: Təranə Novruzova
