İrəvan hərbi yardım üçün Rusiyaya müraciət edə bilər

“Ermənistan əlavə hərbi yardım istəyi ilə Rusiyaya müraciət etməyə hazırdır”.

"Qanunyolu.info.az", “Qafqazinfo” -ya istinadən xəbər verir ki, bu barədə Ermənistanın Moskvadakı səfiri Vardan Toqyanyan “Moskva danışır” radiostansiyasının efirində açıqlama verib.

Onun sözlərinə görə, Moskva ilə İrəvan arasında hərbi-texniki əməkdaşlıq bu gün çox sıx inkişaf edir. Müvafiq sualı cavablandıran səfir, “Lazım gələrsə, Rusiyaya müraciət edəcəyimizə inanırıq”,-deyə bildirib.

“Lakin biz Rusiyanın Qafqazda həqiqətən böyük rolu olduğuna və qan tökülməsini dayandırmaq üçün siyasi metodlara sahib olduğuna inanmağa davam edirik”,- deyə Toqanyan sözlərinə əlavə edib.