Ukraynada Milli Bankın sədri istefa verdi

Ukrayna Milli Bankının sədri Yakov Smoliy istefa verib.

"Qanunyolu.info.az", “Qafqazinfo" -ya istinadən xəbər verir ki, bu barədə bankın mətbuat xidmətinin məlumatında deyilir. Smoliy uzun müddət ona edilən “sistematik siyasi təzyiq” səbəbindən bu qərarı qəbul etdiyini bildirib:

“İstefa ərizəmlə Ukraynada mərkəzi bank sisteminin institusional əsaslarını sarsıtmaq üçün gələcək cəhdlərlə bağlı xəbərdarlıq etmək istəyirəm”.

O əlavə edib ki, məhz bu kimi müdaxilələr ona vəzifəsini yerinə yetirməyə və digər dövlət strukturları ilə qarşılıqlı əlaqə qurmasına maneə yaradıb.