Rusiyada Qələbə Paradı keçirildi - Fotolar + Video

Rusiyada faşizm üzərində qələbənin 75 illiyinə həsr olunmuş Qələbə Paradı keçirilib.

"Qanunyolu.info.az", “Qafqazinfo”-ya istinadən xəbər verir ki, tədbir Moskvadakı Qırmızı Meydanda baş tutub.

Tədbirdə Rusiya Prezidenti Vladimir Putin çıxış edib. Bundan əlavə, parada Belarus, Özbəkistan, Bosniya və Herseqovina, Qazaxıstan, Qırğızıstan, Moldova, Tacikistan, Serbiya, Cənubi Osetiya və Abxaziyanın liderləri qatılıb.

Azərbaycanı paradda Müdafiə naziri, general-polkovnik Zakir Həsənov təmsil edib.

Paradda 13 xarici ölkədən 14 mindən çox hərbçi, 234 ədəd tarixi və müasir quru hərbi texnikası və 75 təyyarə iştirak edib.