Pakistanda qəzaya uğrayan təyyarənin “qara qutu”ları tapıldı

Pakistanın Kəraçi şəhərində "Pakistanın Beynəlxalq Hava Yolları” aviaşirkətinin “Airbus A320” təyyarəsinin hər iki “qara qutu”su tapılıb. "Qanunyolu.info.az", “Qafqazinfo” -ya istinadən bildirir ki, bu barədə “RİA “Novosti” xəbər verib.

“Qara qutu dünən gecə tapıldı, biz onu İstintaq Komissiyasına çatdırırıq”, - aviaşirkətin nümayəndəsi Abdulla Xan deyib.

O, həm göyərtənin səs yazısı cihazının, həm də pilot kabinəsindəki diktofonun aşkarlandığını vurğulayıb.

Xatırladaq ki, Lahor-Kəraçi reysini həyata keçirən “Airbus A320” təyyarəsi texniki nasazlıq səbəbindən düşüb. Hava gəmisinin göyərtəsində 91 sərnişin və 8 ekipaj üzvü olub. Baş verən təyyarə qəzasında 97 nəfər həlak olub.