Boris Consonun işə qayıdacağı tarix açıqlandı

Böyük Britaniyanın koronavirusdan müalicə olunan Baş Naziri Boris Conson sabahdan etibarən vəzifəsinin icrasına davam edəcək.

"Qanunyolu.info.az", “Qafqazinfo”-ya istinadən xəbər verir ki, bu barədə İngiltərənin hökumət sözçüsü məlumat yayıb.

Qeyd edək ki, martın 27-də koronavirus testi pozitiv çıxan Conson karantinə götürülmüş, simptomları ağırlaşdığından isə aprelin 5-dən reanimasiyaya yerləşdirilmişdi. Aprelin 9-da reanimasiyadan çıxan Baş Nazir ayın 12-də xəstəxanadan buraxılıb və müalicəsini ev şəraitində davam etdirir.