Şəhid olmuş RİİB könüllüsü də “Vətən uğrunda” medalı ilə təltif edilib - Foto+Video

44 günlük Vətən müharibəsində qanı ilə şanlı tarix yazan qəhrəmanlarımız sırasında “Regional İnkişaf” İctimai Birliyinin (RİİB) Lerik rayonunun Çayrud kəndindən olan könüllüsü Cavanşir Həmidli də var.

"Qanunyolu.info.az", “Qafqazinfo” -ya istinadən xəbər verir ki, 2019-cu ilin yayında həqiqi hərbi xidmətə çağırılmış Cavanşir Füzuli-Cəbrayıl istiqamətində gedən döyüşlərdə şəhidlik zirvəsinə ucalıb.

Lənkəran Dövlət Universitetinin məzunu olan Cavanşir 2018-ci ildən RİİB könüllüləri sırasına qoşulmuşdu. Könüllülük fəaliyyəti dövründə də vətənpərvərliyi ilə seçilən Cavanşir elə müqəddəs Vətən uğrunda, üç rəngli Bayrağımız uğrunda canını fəda edərək könüllü dostlarının, tanıyanlarının yaddaşlarında əbədi taxt qurdu.

Azərbaycan Prezidentinin Sərəncamı ilə Cavanşir Həmidli ölümündən sonra “Vətən uğrunda” medalı ilə təltif edilib.

Vətən, torpaq uğrunda canından keçən şəhidlər heç zaman unudulmur, onlar qəlbimizdə əbədi yaşayır!