Ərinin öldürdüyü Leyla 7 aylıq hamilə olub

Abşeron rayonunda boğazı kəsilərək qətlə yetirilən qadın hamilə olub.

"Qanunyolu.info.az", “Qafqazinfo”nun verdiyi xəbərə istinadən, əri tərəfindən öldürülən Leyla Bəkirova hamiləliyin 7-ci ayında olub. İlkin ehtimala görə, qətl qısqanclıq zəminində baş verib.

Hadisə vaxtı cütlüyün azyaşlı övladı da onların yanında olub və o, qətlə şahidlik edib.

Xatırladaq ki, aprelin 29-da saat 21 radələrində 29 yaşlı Anar Bəkirov Qobu qəsəbəsində yaşadıqları evdə 27 yaşlı həyat yoldaşı Leyla Bəkirovanı bıçaqlayıb, sonra isə boğazını kəsərək öldürüb.