Almaniyada daşqınlarda 1300 nəfər itkin düşüb - Fotolar + Yenilənib

Almaniyada daşqınlar nəticəsində həlak olanların sayı 133-ə çatıb.

“Qanunyolu.info.az”, “Bild” nəşrinə istinadən xəbər verir ki, Şimali Reyn-Vestfaliya federal torpağında 43 nəfər, Reynland-Pfalç bölgəsində isə 90 nəfər həlak olub.

Ümumilikdə 1300 nəfərin itkin düşdüyü bildirilir.

Bununla yanaşı, Almaniyanın digər bölgələrində də vəziyyət kəskinləşib. Yolları sel basıb. Daşqınlar nəticəsində körpülər və binalar dağılıb. Ölkə rəhbərliyi əhalini harasa getməkdən imtina etməyə çağırıb.

Qeyd edək ki, “Bernd” siklonu səbəbindən Almaniyada iyulun 11-dən etibarən güclü yağışlar yağıb.

Şimali Reyn-Vestfaliya federal torpağında Rur çayı üzərində bəndin qırılması səbəbindən təqribən 700 nəfər təxliyyə olunur. Köln şəhərinin rəhbərliyinin məlumatına görə, xilasedicilər artıq əməliyyata başlayıb.