Arif Süleymanlı: Azərbaycan xalqının mənəvi birliyinin simvolu – Şeyxülislam Allahşükür Paşazadə

Azərbaycanın ictimai və dini həyatında xüsusi yeri olan Qafqaz Müsəlmanları İdarəsinin sədri, Şeyxülislam Allahşükür Paşazadə uzun illərdir ki, xalqımızın mənəvi dəyərlərinin qorunması, milli-mənəvi birliyin möhkəmləndirilməsi və dinlərarası həmrəyliyin inkişafı istiqamətində mühüm fəaliyyət göstərir. Onun həyat yolu Vətənə, xalqa və dini-mənəvi dəyərlərə sədaqətin parlaq nümunəsidir.

Şeyxülislam Allahşükür Paşazadə ölkəmizdə dini maarifçiliyin inkişafına, tolerantlıq ənənələrinin qorunmasına və müxtəlif dinlərin nümayəndələri arasında qarşılıqlı hörmətin gücləndirilməsinə böyük töhfələr verib. O, Azərbaycanın beynəlxalq aləmdə multikulturalizm və dini dözümlülük modelinin tanıdılması istiqamətində çoxsaylı beynəlxalq konfrans və görüşlərdə ölkəmizi layiqincə təmsil edib.

Vətənimizin çətin və şərəfli dövrlərində daim dövlətimizin və xalqımızın yanında olan Şeyxülislam milli həmrəyliyin möhkəmlənməsi, şəhid ailələrinə və qazilərimizə mənəvi dəstəyin göstərilməsi istiqamətində də ardıcıl fəaliyyət göstərib. Onun çıxışları və çağırışları cəmiyyətdə birlik, vətənpərvərlik və humanizm dəyərlərinin daha da güclənməsinə xidmət edir.

İllər ərzində qazandığı yüksək nüfuz, səmərəli fəaliyyəti və zəngin həyat təcrübəsi ilə Şeyxülislam Allahşükür Paşazadə təkcə dini xadim deyil, həm də cəmiyyətimizin hörmətlə yanaşdığı nüfuzlu ictimai xadimlərdən biridir. O, öz fəaliyyəti ilə gənc nəslə milli-mənəvi dəyərlərə bağlılığın, Vətən sevgisinin və insanpərvərliyin vacibliyini aşılayır.

Bu gün onun doğum günü münasibətilə göstərdiyi xidmətləri dərin ehtiramla xatırlayır, Azərbaycan xalqının mənəvi irsinin qorunması və inkişafı naminə gördüyü işləri yüksək qiymətləndiririk.

Hörmətli Şeyxülislam Allahşükür Paşazadə!

Sizi doğum gününüz münasibətilə "Qanunyolutv.az"-ın rəhbəri olaraq kollektivimiz adından ürəkdən təbrik edir, Uca Allahdan Sizə möhkəm cansağlığı, uzun ömür, tükənməz enerji və həyata keçirdiyiniz müqəddəs missiyada yeni-yeni uğurlar arzulayırıq. Xalqımızın mənəvi birliyinə, dövlətimizin inkişafına və dini-mənəvi dəyərlərimizin qorunmasına xidmət edən şərəfli fəaliyyətiniz daim davamlı olsun. Doğum gününüz mübarək, ömrünüz bərəkətli, yolunuz daim nurlu və xeyirxah əməllərlə zəngin olsun! Tanrı Sizi qorusun!

Doğum gününüzü təbrik edirik!

Hörmətlə: Arif Süleymanlı
"Qanunyolutv.az"-ın rəhbəri, AJB-nin üzvü