Əziz və hörmətli oxucularımız 8 fevral 2025-ci il tarixində, ictimai xadim, araşdırmaçı-publisist, ilahiyyatçı "Mədəni-Niyyət" qəzetinin təsisçi və baş redaktoru Hacı Rahim İsmayılovun təşkilatçılığı ilə Azərbaycan torpaqlarının bütövləşməsi, dövlət, müstəqilliyimiz, Vətən eləcədə Qarabağ torpaqları uğrunda canlarını, qanlarını fəda edərək müqəddəslik və Şəhidlik zirvəsinə ucalan şəhidlərimizin əziz xatirəsinə həsr olunmuş silsilə tədbirlərin növbəti məclisi baş tutdu.
"Qanunyolutv.az" xəbər verir ki, mənəvi dəyərlərə həsr olunmuş məclis ilk öncə Allahın müqəddəs kəlamı olan - "Qurani-Kərim"dən müxtəlif ayələrin oxunuşu ilə başlandı.
Sonra Azərbaycan dövlətinin müstəqilliyi, suverenliyi, ərazi bütövlüyü və torpaqları uğrunda canlarından keçmiş şəhidlərimizin əziz xatirəsi bir dəqiqəlik sükutla yad edildi. Daha sonra Azərbaycan Respublikasının Dövlət Himni səsləndirildi. Dövlət himnindən sonra isə məclis ilahi musiqi sədaları altında mədəni-ictimai proqramla davam etdirildi.
Məclisi giriş sözü ilə açan həmişə Şəhid, Qazi və imkansız ailələrinin yanında olan, onlara imkanı daxilində maddi-mənəvi köməklik edən hörmətli Hacı Rahim İsmayılov çıxış edərək Şəhid analarını, ailə üzvlərini, qaziləri, mötəbər qonaqları, bir sözlə məclisdə iştirak edən hər kəsi salamladı, öz ürək sözlərini gələn qonaqlara, iştirakçılara çatdırdı və tədbirin məramı haqqında məlumat verdi.
Tədbirdə Şəhid anaları, qazilər, müharibə veteranları, ilahiyyatçı alimlər, ilahi musiqi ifaçıları, şairlər və yazıcilar, tanınmış ictimai xadimlər, jurnalistlər tele-aparıcılar, QHT sədrləri və nümayəndələri iştirak edirdilər.
Nəzərinizə çatdırım ki, məclisdə tanınmış vəkil, fəxri hüquq doktoru, ictimai xadim Şəfiqə xanım Nağıyeva, Yeni Yazarlar və Sənətçilər İctimai Birliyinin sədri, Prezident təqaüdçüsü, www.kitabxana.net – Mir Cəlal Paşayev adına Milli Virtual-Elektron Kitabxananın, eyni zamanda, Yenimedia.net analitik-informasiya portalının təsisçi və baş redaktoru, tanınmış ictimai lider, mədəniyyət xadimi, Prezident təqaüdçüsü, məhsuldar yazıçı-kulturoloq, məhşur KİV, yeni media, sosial şəbəkə və televiziya eksperti Aydın (Xan) Əbilov, Vətən Qəhrəmanlari Cəmiyyətinin rəhbərlərindən Ədhəm Məmmədov, Nərmin xanım Səfərova, Hacı İlham Əziz, "Dəmir Yumruq" Alfa-a cəmiyyətinin sədri Ülviyyə xanım Əsədova, "Qanunyolutv.az" xəbər portalının təsisçi və baş redaktoru, eləcədə Vətən müharibəsi veteranı (Qazi) Arif Süleymanlı, psixoloq Sevda xanım Əliyeva, tele-aparıcı Nuranə Gülər, Könül Qasımova, Könül Quliyeva, Safa Xanım, Zaur Quliyev, İradə Nurəddinqızı, gənc yazar Elmar Sahib, Vəfa Rzayeva və digər qonaqlar da iştirak edirdilər.
Qeyd edim ki, onlarda öz çıxıslarında tədbir iştirakçılarını salamlayaraq Prezident İlham Əliyev apardığı uğurlu daxili və xarici siyasətinin nəticəsi olaraq xalq -rəhbər birliyinin zirvəsi sayılan Qarabağ müharibəsindən qazanılan Zəfəri yüksək dəyərləndirirlər. Tədbirin xüsusi qonaqları sayılan Şəhid analarının, qazilərin çıxışı isə məclisi daha da nüfuzlu etdi.
Tədbirdə İştirak edən balacalara ünvanlanmış öyrədici-məlumatlandırıcı sual-cavab hissəsi də bütün istirakçıların ürəyincə oldu və qalib gələn hər kəsə hədiyyələr verirldi.
Sonda isə qonaqlara, Şəhid analarına, iştirakçılara müxtəlif hədiyyələr verildi, eləcədə Milli-mental dəyərlərə sosial-mənəvi dəstək verdiklərinə görə, bir neçə tele-aparıcı, jurnalist, ictimai xadim, sosioloq ilahiyyatçı və din xadimi, "Mədəni-Niyyət" Media qəzetinin təsisçi və baş redaktoru Hacı Rahim İsmayılov tərəfindən hazırlanan "Fəxri Diplom" ilə təltif olundu və hər kəs üçün müqəddəs sayılan Dini xalçalar hədiyyə edildi.
Möhtəşəm tədbir ehsan süfrəsi ilə davan etdirildi.
Onu da nəzərinizə çatdırım ki, əziz oxucularımız budəfəki tədbir, eyni zamanda, fevral ayının müxtəlif gününə təsadüf edən, Həzrəti Məhəmmədin (s) övladları İmam Hüseyn (s), İmam Zeynalabidin, Həzrəti Əbəlfəzlil Abbas və İmam Zamanın(ə.f) şəadətli mövludları ilə üst-üstə düşdüyündən, məclisdəkilərin də ürəyincə oldu.
P.S.Sonda məndə "Qanunyolutv.az" -ın rəhbəri olaraq İlahiyyatçı, araşdırmaçı-publisist, "Mədəni-Niyyət" Media qəzetinin təsisçi və baş redaktoru hörmətli Hacı Rahim İsmayılova və onunla çalışan komandasına kollektivimiz adından bu xeyirxah əməllərinə görə, atdıqları bu xeyirxah addımlarına görə həyatda daima uğurlu və xeyirli yollar arzulayıram. Var olun!
Allah şəhidlərimizə rəhmət eləsin!
"Qanunyolutv.az" Təsisçi və baş redaktor Arif Süleymanlı
