XİN-dən Bərdə terroru ilə bağlı açıqlama - Fotolar

Azərbaycan Xarici İşlər Nazirliyi Bərdəyə ikinci raket hücumu ilə bağlı açıqlama yayıb.

"Qanunyolu.info.az", “Qafqazinfo” -ya istinadən xəbər verir ki, nazirliyin tvitter hesabındakı paylaşımda bildirilib:

“Humanitar atəşkəs rejimini kobud şəkildə pozan Ermənistan silahlı qüvvələri “Smerç” raketləri ilə Bərdə şəhərini yenidən atəşə tutub. İndiyə qədər ən az 13 mülki şəxs həlak olub və çox sayda yaralı var! Bu, insanlığa qarşı cinayətdir!”

Qeyd edək ki, raket hücumu nəticəsində ölənlərin sayı 14-ə çatıb, 40-dan çox insanın yaralandığı bildirilib.