Azərbaycanı təbrik etdilər - Yenilənib

Türkiyənin Xarici İşlər Nazirliyi 18 Oktyabr – Müstəqilliyin Bərpası Günü ilə bağlı paylaşım edib.

“Qanunyolutv.az” xəbər verir ki, Türkiyə XİN-in “X” hesabında edilən paylaşımda deyilir:

“Dost və qardaş Azərbaycanın Müstəqilliyin Bərpası Günü mübarək olsun!”

İranın Azərbaycandakı Səfirliyi də ölkəmizi Müstəqilliyin Bərpası Günü ilə bağlı təbrik edib.

Bu barədə səfirliyin “X” hesabında paylaşım edilib.

Bununla yanaşı, ABŞ-nin Bakıdakı Səfirliyi də Müstəqilliyin Bərpası Günü münasibətilə sosial şəbəkə hesablarında paylaşım edib: “ABŞ Səfirliyi müstəqilliyinin bərpasının 33-cü ildönümü münasibətilə Azərbaycan xalqına ən xoş arzularını və təbriklərini çatdırır”.

İsrailin Bakıdakı Səfirliyi “X” hesabında yazıb: “Xalqın öz müstəqilliyini bərpa etdiyi bu tarixi gündə, 18 Oktyabrda azərbaycanlıların mətanət və azadlıq ruhunu uca tuturuq”.

Böyük Britaniyanın Azərbaycandakı səfiri:

“1991-ci ilin 18 oktyabrında Azərbaycan öz müstəqilliyini bərpa etdi. Son 33 ildə Azərbaycan bir dövlət kimi böyük inkişafa nail olmuşdur. Bu möhtəşəm bayram münasibətilə hamınızı təbrik edirəm!”