“Mənə bir-iki foto göndərib təhdid ediblər” - Əli Həsənov

Azərbaycan Prezidentinin keçmiş köməkçisi Əli Həsənov təhdid olunduğunu deyir.

“Qanunyolu.info.az”-ın məlumatına görə, Əli Həsənov “Amerikanın Səsi”nə açıqlamasında bununla bağlı daha əvvəl tvitter hesabında paylaşım etdiyini təsdiqləyib: “Mən bunu tvitter hesabımda yazdım, bütün saytlar da dərc etdi. Müvafiq qurumlar məşğuldur. İstəmirəm əlavə müzakirəyə çıxaraq.”

O, bunu kimlərin etməsi barədə suala belə cavab verib: “Vallah, bunu bilsəydim nə vardı ki?! Müvafiq qurumlar araşdırır.”

Fotoların harada və necə çəkildiyinə dair suala cavabında Əli Həsənov “Bilsəydim nə var idi? Mənə bir-iki foto göndərib təhdid ediblər,” - deyə qeyd edib.

Hazırda Əli Həsənovun sözügedən paylaşımı tvitter hesabından silinsə də, onun mətni bundan ibarət idi: