Arvadını ağacla döyüb yaraladı, sonra özünü öldürdü - Yenilənib

Lənkəranda ər həyat yoldaşına xəsarət yetirib, sonra özünü öldürüb.

“Qanunyolutv.az” APA-ya istinadən xəbər verir ki, hadisə Lənkəran rayonunun Biləsər kəndində baş verib.

Kənd sakini 1973-cü il təvəllüdlü Məzahir Rəcəbov ailə münaqişəsi zəminində həyat yoldaşını, 1978-ci il təvəllüdlü Gülşən Həsənovanı ağacla döyərək xəsarətlər yetirib. Daha sonra o, boğazını kəsərək özünü öldürüb.

Qadın Lənkəran Rayon Mərkəzi Xəstəxanasına çatdırılıb.

Faktla bağlı hüquq-mühafizə orqanları tərəfindən araşdırma aparılır.

"Qanunyolutv.az" xəbər verir ki, hadisə ilə bağlı TƏBİB-dən bildirilib ki, bu gün saat 14:30 radələrində Lənkəran rayonunun Biləsər kəndində baş vermiş hadisə nəticəsində 1 nəfər qadın bədənin müxtəlif dərəcəli travması diaqnozu ilə Lənkəran Rayon Mərkəzi Xəstəxanasının Təcili yardım şöbəsinə hospitalizasiya olunub.

“Zərərçəkənə zəruri ilkin tibbi xidmətlər göstərilib. Müalicəsi Təcili yardım şöbəsində davam etdirilir, vəziyyəti orta-ağır qiymətləndirilir. 1 nəfər kişinin isə həkiməqədər ölüm faktı qeydə alınıb” .