Vətənpərvər, xeyriyyəçi, xeyirxah insan
Etibar NəsibovMüasir Azərbaycan tarixində elə şəxsiyyətlər var ki, onların fəaliyyəti yalnız dövrünün deyil, həm də gələcək nəsillərin həyatına dərin təsir göstərir. Bu şəxsiyyətlərdən biri də Azərbaycan Respublikasının Birinci vitse-prezidenti, Heydər Əliyev Fondunun prezidenti, ISESCO-nun xoşməramlı səfiri, doktor, ana və lider – Mehriban Arif qızı Əliyevadır.Mehriban xanım Əliyeva 26 avqust 1964-cü ildə Bakı şəhərində ziyalı ailəsində dünyaya göz açmışdır. Atası – tanınmış alim, akademik Arif Paşayev, anası isə pedaqoq, incəsənət xadimi Aida xanım İmanquliyevadır. Mehriban xanımın uşaqlıq və gənclik illəri onun şəxsiyyətinin formalaşmasında mühüm rol oynamışdır. Hələ gənc yaşlarından elmə, incəsənətə və vətənə sevgi ilə böyüyən Mehriban xanım, Moskvada ali tibb təhsili alaraq həkim oftalmoloq kimi ixtisaslaşmışdır. Bu sahədə əldə etdiyi bilik və təcrübəni gələcəkdə ictimai fəaliyyətlərində də yüksək dərəcədə tətbiq etmişdir.
Mehriban Əliyeva ölkəmizdə və beynəlxalq aləmdə humanitar, sosial və mədəni sahələrdə müstəsna xidmətləri ilə tanınır. 2004-cü ildə onun rəhbərliyi ilə fəaliyyətə başlayan Heydər Əliyev Fondu Azərbaycanın tarixində ən böyük və ən təsirli qeyri-hökumət təşkilatlarından birinə çevrilmişdir. Fondun fəaliyyəti təkcə Bakı ilə məhdudlaşmayaraq, ölkənin ən ucqar kəndlərinə qədər uzanmış, məktəblərin, xəstəxanaların, uşaq bağçalarının tikintisi və təmiri həyata keçirilmiş, minlərlə ailəyə ümid və dəstək verilmişdir.
Mehriban xanımın təşəbbüsü ilə milli-mədəni irsimiz dünya səviyyəsində təbliğ olunmuş, muğam sənəti, aşıq sənəti, xalçaçılıq kimi dəyərlərimiz ISESCO-nun qeyri-maddi mədəni İrs siyahısına salınmışdır. O, milli musiqimizin, poeziyamızın, incəsənətimizin təbliğində daim ön sırada dayanaraq Azərbaycan mədəniyyətini beynəlxalq aləmə tanıdan mühüm şəxsiyyətlərdən birinə çevrilmişdir.
Mehriban Əliyeva 2017-ci ildə Azərbaycan Respublikasının Birinci vitse-prezidenti təyin olunduqdan sonra sosial rifahın yüksəldilməsi, sağlamlıq və təhsil sahələrinin inkişafı, humanitar sahələrdə islahatların həyata keçirilməsi istiqamətində ardıcıl və məqsədyönlü fəaliyyət göstərir. Onun liderlik üslubu – zərifliklə gücün, humanist dəyərlərlə siyasi iradənin harmoniyasına əsaslanır. Xalqla birbaşa təmasda olması, insanlara diqqət və qayğı ilə yanaşması, şəffaf və səmərəli fəaliyyət prinsipi onu fərqləndirən əsas cəhətlərdəndir.
Mehriban Əliyeva eyni zamanda Azərbaycanın Birinci xanımı, ana və ailə başçısı olaraq da cəmiyyətə müsbət örnəkdir. Onun ailə dəyərlərinə bağlılığı, milli-mənəvi irsimizin qorunmasına verdiyi töhfə, qadınların cəmiyyətdə rolunun artırılması üçün apardığı təşviqatlar bu gün çoxsaylı qadınlar üçün ruhlandırıcı bir modelə çevrilmişdir.
O, həm zərif bir qadın, həm güclü lider, həm də fədakar bir vətəndaşdır. Onun fəaliyyəti təkcə bugünkü Azərbaycanın inkişafına deyil, həm də sabahkı nəsillərin formalaşmasına xidmət edir.
Hörmətli Mehriban xanım!
Sizi doğum gününüz münasibətilə səmimi qəlbdən təbrik edirik!
Sizin fəaliyyətiniz – xeyirxahlığın, zəkanın və yüksək mənəviyyatın təcəssümüdür. Bu əlamətdar gündə Sizə möhkəm cansağlığı, ailə xoşbəxtliyi, xalqımız və dövlətimiz naminə yorulmaz fəaliyyətinizdə uğurlar arzu edirik. Qoy həyatınızda hər yeni gün, xalqımıza bəxş etdiyiniz işıqlı yolun davamı olsun. Qoy gördüyünüz hər bir xeyirxah iş, dua və hörmətlə qarşılansın.
AD GÜNÜNÜZ MÜBARƏK MEHRİBAN XANIM!Hörmətlə: Vətənpərvər, xeyriyyəçi, xeyirxah insan
Etibar Nəsibov
