İranda koronaviruslu xəstələrin sayı 70 mini ötdü

İranda son sutka ərzində koronavirusa yoluxanların sayı 1 837 nəfər artıb və bununla da, yoluxanların ümumi sayı 70 mini ötüb. "Qanunyolu.info.az",“Qafqazinfo” -ya istinadən bildirir ki, bu barədə ölkənin Səhiyyə Nazirliyinin rəsmi nümayəndəsi Kianuş Cahanpur məlumat verib.

“Ölkədə koronavirusa yeni yoluxma hallarının sayı 1 837-dir. Xəstələnənlərin ümumi sayı 70 029-a çatıb”, - onun sözlərini “ISNA” agentliyi sitat gətirir.

Cahanpur qeyd edib ki, son 24 saat ərzində 125 pasiyent vəfat edib, qurbanların ümumi sayı 4 357 nəfər təşkil edir.

Bundan başqa, 41 947 nəfər sağalıb. Ümumilikdə ölkədə 251 703 koronavirus testi edilib.