Dərsdə halı pisləşən 15 yaşlı şagird öldü - Yenilənib

Mingəçevir İ.Rüstəmov adına 5 nömrəli tam orta məktəbdə dərs zamanı halı pisləşən şagird ölüb.

“Qanunyolutv.az”-ın məlumatına görə, 2010-cu il təvəllüdlü Yusif Yusifov bir neçə ay əvvəl ürək əməliyyatı keçiribmiş.

Bu gün dərsdə Yusif Yusifovun halı qəfil pisləşib. Təcili tibbi yardım briqadası vasitəsilə xəstəxanaya aparılan şagirdin həkiməqədər ölümü baş verib.

TƏBİB-dən bildirilib ki, Respublika Təcili və Təxirəsalınmaz Tibbi Yardım Mərkəzinə bu gün saat 10:47-də Mingəçevir şəhəri, İ.Rüstəmov adına 5 nömrəli tam orta məktəbdən şəxsin halının pisləşməsi səbəbilə çağırış daxil olub.

Çağırış ünvanına təcili tibbi yardım briqadası cəlb olunub. Təcili tibbi yardım briqadası tərəfindən 2010-cu il təvəllüdlü şəxsin həkiməqədər ölüm faktı qeydə alınıb.

Bildirilib ki, Yusif Yusifov ailənin tək övladı imiş. O, ötən ilin noyabr ayında ürəyindən əməliyyat olunubmuş.