Qobustan qəsəbəsində Şəhid Sadiq Əzizlinin anım mərasimi keçirildi - Fotolar

Qarabağda sentyabrın 12-si gecə və 13-ü səhər saatlarında Ermənistan silahlı qüvvələri tərəfindən Daşkəsən, Kəlbəcər, Laçın və Zəngilan istiqamətlərində törədilən genişmiqyaslı təxribatın qarşısı alınarkən şəhid olmuş Əzizli Sadiq Zaur oğlunun 40 mərasimi keçirilib.

“Qanunyolutv.az” xəbər verir ki, şəhidin mərasimində Qaradağ Rayon İcra Hakimiyyətinin başçısı Süleyman Mikayılov, şəhidin ailə üzvləri, qazilər, iştirak ediblər.

Əvvəlcə Şəhidin əziz xatirəsi 1 dəqiqəlik sükutla yad edilmiş, məzarı önünə əklik və gül dəstələri qoyulub. Daha sonra şəhidin məzarı yaxınlığında inşa edilmiş xatirə lövhəsinə baxış keçirilib.

Daha sonra şəhidin ailəsi ziyarət olunub. Qaradağ Rayon İcra Hakimiyyətinin başçısı Süleyman Mikayılov şəhid ailələrinə və qazilərə göstərilən dövlət qayğısından söz açıb.

Allah rəhmət eləsin!