Şirvanda qəza: ölən və yaralananlar var - Fotolar

Şirvanda mikroavtobus və minik avtomobili toqquşması nəticəsində 1 nəfər ölüb, 2 nəfər xəsarət alıb.

"Qanunyolu.info.az", "Qafqazinfo"nun məlumatına istinadən, hadisə “Şəhidlər xiyabanı”nın qarşısında baş verib.

Belə ki, Hacıqabul rayon sakini 1999-cu il təvəllüdlü Yaşar Bəkir oğlu Ağayev idarə etdiyi “VAZ 21-06” minik avtomobili ilə hərəkətdə olan zaman idarəetməni itirərək mikroavtobusla toqquşub.

Hadisə zamanı minik avtomobilinin sərnişini - Hacıqabul rayon sakini, 1998-ci il təvəllüdlü Fərid Azər oğlu İsmayılov aldığı xəsarətdən hadisə yerində ölüb.

Digər sərnişin - Hacıqabul rayon sakini, 1999-cu il təvəllüdlü Maşallah Məhərrəm oğlu Həmidov və sürücü Y.Ağayev müxtəlif dərəcəli bədən xəsarətləri ilə rayonun Mərkəzi Xəstəxanasına yerləşdiriliblər.

Faktla bağlı araşdırma aparılır.