22 yaşlı hamilə arvadını döydü, uşağı tələf oldu - Yenilənib

Gəncə şəhərində 22 yaşlı hamilə qadını əri döyüb.

“Qanunyolu.info.az” xəbər verir ki, 1992-ci il təvəllüdlü Muraz İsgəndərov mübahisə zamanı hamilə olan həyat yoldaşı, 1999-cu il təvəllüdlü T.Məmişovanı döyərək ağır bədən xəsarətləri yetirib.

T.Məmişova 18-19 həftəlik hamiləliyin pozulması diaqnozu ilə xəstəxanaya yerləşdirilib.

Faktla bağlı araşdırma aparılır.

"Qanunyolu.info.az" xəbər verir ki, DİN Mətbuat xidmətinin Gəncə regional qrupunun baş inspektoru, polis baş leytenantı Eşqin Qasımov açıqlamasında bildirib ki, Gəncə şəhər sakini 1999-cu il təvəllüdlü T.Məmişovanın həyat yoldaşı, Gəncə şəhər sakini, 1992-ci il təvəllüdlü İsgəndərov Murazın döyməsi nəticəsində çoxsaylı bədən xəsarətlərindən hamiləliyin pozulması diaqnozu ilə xəstəxanaya yerləşdirilməsi barədə Gəncə ŞBPİ Nizami rayon Polis İdarəsinə məlumat daxil olub: “Müraciətlə əlaqədar polis əməkdaşları dərhal müvafiq tədbirlər həyata keçirib, hadisəni törətməkdə şübhəli bilinən M. İsgəndərov saxlanılaraq istintaqa təhvil verilib.

Faktla bağlı Gəncə ŞBPİ-nin İstintaq və Təhqiqat İdarəsində cinayət işi başlanılıb araşdırmalar davam etdirilir”.